Description
ދުނިޔޭގެ އެކި ކަންކޮޅުތަކުން އައި ވިޔަފާރިވެރިން ކާބޯތަކެއްޗާއި ފަށުވި އަދި މަށި ތަކެތި ވިއްކައި އުޅުނުއިރު ވިޔަފާރީގެ ކުރިއެރުމާ އެކު، ޝާމެން ވެގެންދިޔައީ މުހިންމު މަންޒިލަކަށެވެ.
ބޭރުގެ ވިޔަފާރިއަށް ހުޅުވާލި ޗައިނާގެ ފުރަތަމަ ބަނދަރުތަކުގެ ތެރޭ ޝާމެން ހިމެނޭއިރު، އެ ތަން ބަދަލުވެގެން ދިޔައީ ޗައިނާގެ އާދަކާދަތަކާއި ހުޅަނގުގެ ނުފޫޒުތައް ފުރިހަމައަށް އެއްވެފައިވާ ސިޓީއަކަށެވެ. މިހާރު ޝާމެން ވެފައި ވަނީ އިގުތިސާދީ ގޮތުން ކުރިއަރާފައިވާ ސަގާފީ ތަރިކަ އާއި ރީތި ގުދުރަތީ މަންޒަރުތަކަށް މަޝްހޫރު ސިޓީއަކަށެވެ.
ޝާމެން ސިޓީއަކީ ޗައިނާގެ ރައީސް ޝީ ޖިންޕިންގެ ތަރައްގީގެ ވިސްނުމާއި ތަސައްވުރު އުފަންވި ތަނުގެ ގޮތުގައި ބެލެވޭ ތަނެވެ. މި ސިޓީ މިއަދު ދެކޭ ތަރައްގީ ފެށިގެން އައީ ފުޖިއަން ޕްރޮވިންސްގެ ވައިސް ގަވަރުނަރުގެ ގޮތުގައި މަސައްކަތް ކުރެއްވި ދުވަސްވަރު އެކުލަވާލެއްވި ތަރައްގީގެ ބިޔަ މާސްޓަޕްލޭނާ އެކު އެވެ. ޝާމެން ސިޓީއަކީ އެ މާސްޓާޕްލޭންގެ ދަށުން ޝީ އެންމެ އިސްކަމެއް ދެއްވައިގެން ތަރައްގީ ކުރެއްވި ސިޓީ އެވެ. ވޫޔޯން ބޭގެ އިންގިލާބީ ބަދަލަކީ ޝީގެ މޭސްތިރިކަމެވެ.
No proposals submitted yet.
